Loading…

Tkurren investimet e huaja për 24 milionë euro

  • 15/04/2019 | 08:11

Tkurren investimet e huaja për 24 milionë euro

Investimet e huaja direkte kanë pësuar një rënie prej 9.2 për qind gjatë vitit 2018. Nga 255.4 milionë euro sa ishin në vitin 2017 ato kanë rënë në 231.7 milionë euro apo 23.7 milionë euro më pak.

Nga kjo rënie është prekur më së shumti sektori i ndërtimit, ai i industrisë dhe transportit e komunikimit, shkruan sot “Koha Ditore”. Shkak për këtë rënie të vazhdueshme të investimeve sipas njohësve të çështjeve ekonomike është jostabiliteti politik, korrupsioni dhe barrierat burokratike.

Sipas tyre, Qeveria nuk ka ndërmarrë veprime konkrete për nxitjen e investimeve të huaja dhe ato pas interesimit po largohen për në vendet e tjera të Ballkanit. Ata thonë se nuk mjaftojnë thirrjet për investime pa oferta konkrete për investitorët.

E tillë sipas tyre ka qenë edhe letra e ministrit të Tregtisë dhe Industrisë Endrit Shala i cili i ka bërë thirrje Kompanisë Volkswagen për investime në Kosovë, pas paralajmërimeve që kishte bërë kjo kompani për një investim rreth 1.4 miliardë euro në Evropën Juglindore.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë