Loading…

Shkarkimi i Veliut, Hotit dhe Ramadanit: Kurti nuk i duron mendimet ndryshe në Qeverinë e tij

  • 29/03/2020 | 23:19

Shkarkimi i Veliut, Hotit dhe Ramadanit: Kurti nuk i duron mendimet ndryshe në Qeverinë e tij

Shefi i Qeverisë në detyrë, Albin Kurti, nuk është treguar aspak tolerant ndaj zyrtarëve që kanë menduar ndryshe nga ai dhe subjekti i tij Vetëvendosje, ai këtë e ka dëshmuar me shkarkimin e Agim Veliut, Avdullah Hotit dhe Naser Ramadani,shkruan Gazeta Metro.


Kryeministri Kurti, tashmë në detyrë, nuk është treguar aspak tolerant ndaj atyre që mendojnë ndryshe nga ai dhe subjekti i tij gjatë Qeverisjes së tij, që tashmë ka marrë fund me votimin e 82 deputetëve pro shkarkimit të Qeverisë.

Mos durimi i Kurtit ndaj atyre që nuk mendojnë si ai, kishte filluar me ish-Ministri i Punëve të Brendshme, Agim Veliu, i cili ishte shkarkuar në mesnatë nga shefi i tij, veç pse kishte dhënë mendim ndryshe nga ai në lidhje me gjendjen e jashtëzakonshme, se a duhej të shpallej apo jo.

Sipas letrës së lëshuar nga kryeministri, Agim Veliu, ishte shkarkuar për shkak të deklaratës së tij ku kishte përkrahu idenë për shpalljen e Gjendjes së Jashtëzakonshme, ide të cilën Kurti e kishte kundërshtuar.

Pas, ministrit Veliu, radhën e kishte Avdullah Hoti, i cili mbante detyrën e zëvendëskryeministrit të parë.

Menjëherë pasi që LDK dhe subjektet e tjera votuan pro shkarkimit të Qeverisë Kurti, si hakmarrje për fjalimin kritikues të Hotit ndaj kryeministrit Kurti, i menjëhershme ishte veprimi i këtij të fundit, i cili po ashtu si ndaj Veliut në mesnatë kishte marrë vendim që ta lironte nga detyra zëvendësministrin e parë, Avdullah Hotin.

Krejt kjo nga mosdurimi i Kurtit ndaj kritikave dhe atyre që nuk mendojnë si ai.

“Z. Avdullah Hoti, lirohet nga posti i Zëvendëskryeministrit të Parë në detyrë”, kaq shkruante në vendimin e Qeverisë, pa dhënë asnjë arsye.

Por Kurti nuk u ndal me kaq. Ai menjëherë pas shkarkimit të Qeverisë nuk vonoj shumë dhe shkarkoi Bordin e SHKUKS.

Qeveria Kurti, dy ditë pasi u shkarkua kishte marrë vendim që të shkarkonte Bordin Drejtues të Shërbimit Klinik Universitar të Kosovës, pjesë e të cilit ishte edhe Naser Ramadani.

Ramadani ishte njeriu kryesor që rekomandoi mbajtjen e seancës ku u votua me sukses shkarkimi i Qeverisë së udhëhequr nga Albin Kurti, i cili s’i mbushi as dy muaj në krye të Ekzekutivit.

Në emër të Institutit Kombëtar të Shëndetësisë Publike, Ramadani dërgoi një mendim profesional ku tha se seanca mund të mbahet me disa masa për të cilat asistuan zyrtarët mjekësorë.

Ky mendim i dhënë nga Ramadani, për Kurtin ishte i papranueshëm, ku si pasojë atij i kushtoj me largim nga anëtari i Bordit të SHKUKS.

Ndërsa Qeveria është arsyetuar se vendimi për shkarkimin e Bordit të QKUK’së ka ardhur për arsye se ai nuk i ka përmbushur detyrat dhe përgjegjësitë dhe se ka dështuar në arritjen e objektivave.

Qeveria anashkaloj faktin se Kosova po përballet me pandeminë, ndërsa ky shkarkim po konsiderohet i dëmshëm në këtë kohë ku Kosova është e rrezikuar nga koronavirusi./gazetametro.net

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë