Loading…

Pse gratë nuk duan të bëhen nëna pas pandemisë?

  • 11/07/2020 | 18:57

Pse gratë nuk duan të bëhen nëna pas pandemisë?

Tashmë nuk është më sekret se gratë bëhen nëna më vonë se brezi para tyre. Mbi gjysma e foshnjave në vitin 2017 ishin lindur nga gra në të 30-tat, ndërsa 20 vite më parë kjo ndodhte në 43% të rasteve. Këto janë statistika për Britaninë, të cilat janë publikuar nga “Telegraph”.


Por mes faktorëve të vjetër që kanë shtyrë gratë të bëhen nëna më vonë, tashmë shtohet edhe një faktor i ri: pandemia. Koronavirusi duket se i ka bërë çiftet e reja edhe më të kujdesshëm të bëhen me fëmijë.

Një studim i kohëve të fundit nga Universiteti i Firences në Itali zbuloi se një e treta e çifteve, 37% e tyre, që kishin planifikuar të kishin një fëmijë së afërmi, tashmë i kanë lënë pas këto plane për shkak të pandemisë. Një tjetër studim nga Instituti Guttmacher në Amerikë zbuloi se 34% e grave ishin në të njëjtat pozita.

Frika e shqetësimeve shëndetësore

Më shumë se një e katërta e grave, 27% e tyre, janë shprehur se po e shmangin shtatzëninë sepse janë të shqetësuara se mund të infektohen me Covid-19 gjatë shtatzënisë, sipas studimit amerikan. Po ashtu, ekziston frika për të shkuar në spital gjatë pandemisë.

Frika e ndarjes nga prindërit

Çiftet nuk shqetësohen vetëm për shëndetin e tyre. Gjatë kësaj periudhe shqetësimi është më i madh për shëndetin e prindërve, të cilët janë më të rrezikuar nga koronavirusi. Në këtë situatë, prindërit nuk do të ishin në gjendje të kujdeseshin për nipërit e tyre, pasi do të detyroheshin të qëndronin të distancuar.

Pasiguria financiare

Më shumë se 60% e atyre që morën pjesë në studimin e Universitetit të Firences shprehën shqetësimin për paqëndrueshmërinë financiare, si një nga arsyet që i kanë detyruar ata ta shtyjnë për një moment tjetër të bëhen prindër.

Më të fundit
...
  • 08/08/2020 | 23:53
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +383 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë