Loading…
Nuk ju ecën fermerëve: Shiu dëmton rreth 70 për qind të tokave të mbjella me rrush në Rahovec
  • 14/07/2019 | 21:51

Nuk ju ecën fermerëve: Shiu dëmton rreth 70 për qind të tokave të mbjella me rrush në Rahovec

Rreth 2 hektarë tokë, Jusuf Veliu nga Rahoveci i ka të mbjella me rrush.

Por, reshjet e shumta të shiut dhe breshrit gjatë muajit qershor i kanë sjellë dëme të mëdha që, sipas tij, do të ndikojnë në ulje të rendimenteve dhe kualitet të rrushit, raporton KTV.

Veliu tregon se problem tjetër mbeten edhe barnat bujqësore, të cilat janë të kualitetit më të dobët.

Për dëmet nga reshjet dhe breshri, gjatë vitit të kaluar, Qeveria e Kosovës kishte ndarë rreth 1 milion euro, para të cilat gjatë vitit 2019 u janë dhënë në shfrytëzim bujqve.

Kryetari i Shoqatës së Vreshtarëve, Habib Dina, thotë se kanë kërkuar ndihmën e Komunës, por edhe të Qeverisë së Kosovës.

Por, në Komunën e Rahovecit thonë se nuk kanë buxhet të mjaftueshëm për t’i ndihmuar fermerët dhe prandaj i janë drejtuar Qeverisë së Kosovës, derisa ministrja e Bujqësisë, sipas tyre, u ka premtuar përkrahje.

Nga Zyra e Kryeministrit, përmes telefonit, i kanë thënë KTV-së se varësisht nga buxheti, do të mundohen t’i përkrahin vazhdimisht fermerët dhe bujqit.

Vërshimet nga shiu gjatë qershorit, kanë shkaktuar dëme materiale edhe në disa komuna të tjera të Kosovës.

 

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë