Loading…
E pëson keq mërgimtari: Bleu banesën në Fushë Kosovë, por pronarët ia shitën edhe dikujt tjetër
  • 18/08/2019 | 21:14

E pëson keq mërgimtari: Bleu banesën në Fushë Kosovë, por pronarët ia shitën edhe dikujt tjetër

Adem Dugolli ankohet se ka blerë një banesë në Fushë – Kosovë, po kompania të njëjtën ia ka shitur edhe dikujt tjetër, duke ia marrë atij paratë dhe duke e lënë pa banesë.

Kështu të paktën pretendon ai, i cili thotë t’i ketë paguar investitorit dy pjesët e para nga shuma totale që iu kishte paraqitur në fillim.

E në momentin që do t’i dorëzoheshin çelësat Dugollit, shprehet se do të duhej ta paguante edhe pjesën e fundit.

“kom pas një mashtrim para 5 viteve e kam ble një banesë, e kam paguar 80% të shumës të pareve i ndjeku të gjitha të drejtat e nuk përgjigjiet askush”, ka thënë Dugolli për T7.

Për këtë thotë se i ka dëshmi edhe faturat.

Por sipas këtij qytetari i cili jeton në mërgim, banesa që ai kishte paguar iu kishte shitur dikujt tjetër.

“Banesa iu ka shit tjetër personit, i ka marrë paret dhe nuk kthen kurrfarë përgjigjie”, është shprehur ai.

Dugolli shprehet se po merret me këtë rast qe disa vite.

“Për cdo vit më kanë shku i njëjti problem qe tri vite vet ngaj mas dokumenteve të këtij shteti që nuk funksionon fare”

Për këtë rast, Dugolli iu ka drejtuar edhe institucioneve të drejtësisë, përmes një padie civile.

Por një version krejt tjetër e kanë nga kompania të cilën ai e ka paditur. Sipas tyre, Dugolli nuk ka paguar të gjithë shumën e caktuar.

“I nderuari Adem Dugolli (blerësi) dhe kompania Diellona sh.p.k (shitësi) kanë arritur një marrëveshje për banese në vitin 2014 dhe është bërë vetëm pagesa e avansit (kopare). I nderuari Ademi është kontaktuar vazhdimisht nga kompania për ta bërë pagesën e mbetur mirëpo asnjëherë nuk është përgjigjur

Thonë që si kompani do të paraqiten para organeve kompetente për kthim avansi apo të bëhet pagesa e mbetur dhe t’i dorëzohet banesa pronarit.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.

Privacy Policy
Kontakti:
Tel: +386 49 576 111
e-mail: [email protected]
[email protected]
Adresa: Rr. Tringë Smajli, Nr. 16
Prishtinë 10000
Kosovë