Loading…
Thaçi: S’ka arsye t’i frikësohemi Speciales, as unë as qytetarët
  • 13/02/2018 | 23:25

...

Presidenti i Kosovës, Hashim Thaçi ka thënë se Gjykata Speciale ishte një padrejtësi historike ndaj shtetit të Kosovës e Ushtrisë Çlirimtare por sipas tij ajo u formua për hir të mbajtjes së partneritetit strategjik me SHBA-në, Bashkimin Europian e NATO-n.


Kështu ka deklaruar për Reuters presidenti Thaçi kur është pyetur për mundësit e të qenit dëshmitar në çështjen e Dhomave të Specializuara.

“Kjo ishte një padrejtësi historike, por për hir të mbajtjes së partneritetit strategjik me SHBA, BE dhe NATO krijuam atë (gjykatën)”.

“Kosova nuk ka asgjë për të fshehur”, është shprehur ai.

Presidenti i Kosovës po ashtu ka deklaruar se nuk ndihet aspak i frikësuar nëse një ditë do të thirrej si n jë pandehur nga Gjykata Speciale. Ai për Reuters ka thënë madje se nuk duhet të frikësohet as edhe ndonjë qytetar tjetër.

“Presidenti apo ndonjë qytetar tjetër i këtij vendi nuk ka arsye të ketë frikë”.

“Ne kurrë nuk kemi shkelur ligjin e Kosovës apo ligjet ndërkombëtare. Ne kemi luftuar kundër një diktatori, kundër një njeriu që ka kryer gjenocid, ” ka përfunduar Thaçi, njofton Klan Kosova.

Dhomat e Specializuara,  kanë autoritetin për të gjykuar guerilët e Ushtrisë Çlirimtare të Kosovës (UÇK) për mizoritë e dyshuara në luftën që çoi në pavarësinë nga Serbia, është pjesë e sistemit ligjor të Kosovës, por i bazuar në Hagë për të minimizuar rreziqet e kërcënimit të dëshmitarëve dhe korrupsionin gjyqësor.

Më tej Reuters raporton edhe për përgatitjet e shtetit të Kosovës për shënimin e 10 vjetorit të Pavarësisë.

Më të fundit
Të tjera
Materialet në dispozicion në këtë faqe janë pronë e portalit Gazeta Metro. Ato janë të mbrojtura në bazë të së drejtës së autorit sipas ligjeve në fuqi. Ju mund të përdorni këtë faqe interneti, dhe materialet e kësaj faqeje, për përdorimin tuaj personal, jo-komercial, me kushtin që të mos cënoni të drejtën e autorit.
Kontakti:
Tel: +386 49 576 111
e-mail: info@gazetametro.net
marketing@gazetametro.net
Adresa: Rr. Tringë Smajli, Nr. 16
Prishtinë 10000
Kosovë